Kare e tae ki te kainga

I roto i teta‘i manamanatā tupu po‘itirere, kare pa‘a te pere‘ō ‘oire e ‘anga‘anga, e ka ārairai‘ia pa‘a te au mataāra, e te matakeinanga.

Me kare e rauka iākoe i te na runga i te ara tei mātau‘ia e koe, no te ‘oki‘anga ki te kainga, ka ‘akape‘ea koe i reira e tae ei? Ko‘ai ta‘au ka āru? Ka ‘ārāvei korua ki‘ea, me kare koe e ‘akatika‘ia ki runga i to‘ou mataāra?

Te rua o te ngā‘i ‘ārāvei‘anga

‘Akapāpu‘ia teta‘i ngā‘i no te ‘ārāvei‘anga, me kare koe e tae ki te kainga. Pēnei ake pa‘a e, ko teta‘i ‘āpi‘i, te kainga o teta‘i taeake, me kore ra, teta‘i kōpu tangata.

Te teretere‘anga ta‘okota‘i

Me te ‘anga‘anga ra koe ki va‘o ake i to‘ou ngutu‘are, kimi‘ia to‘ou au taeake i te ‘anga‘anga, te no‘o ra ki roto i to‘ou ‘oire. Ka rauka pa‘a ia korua i te teretere ta‘okota‘i, i roto i teta‘i manamanatā tupu po‘itirere.

‘A‘aona teta‘i kete rave viviki

Vai‘o‘ia kia papa, teta‘i kete rave viviki, no te katoatoa, i roto i to‘ou ngutu‘are tangata. Tei roto i teia, te kāka‘u mā‘ana‘ana, teta‘i mo‘ina vai, mea katikati, te au tātā‘anga pu‘apinga, e te tūtū ‘akairo (ID) ‘Akama‘ara i teta‘i ua atu vairākau, ka anoano pa‘a koe. ‘Ākono‘ia ta‘au kete first aid, mōri-pata, rātiō, e te au pātiri, te mea ‘āpaipai (mobility devices), ki teta‘i ngā‘i te ka rauka iākoe i te rave viviki.

Kimi‘ia te au mea ka anoano koe.

Te tiki‘anga tamariki i te ‘āpi‘i

‘Ōronga‘ia teta‘i ‘akapapa‘anga ingoa e toru, te ka tiki atu i te tamariki, me kare e rauka iākoe, ki ta‘au ‘āpi‘i, me kore ra, turanga ‘āpi‘i punanga.