‘Akate‘ate‘amamao‘ia to‘ou ‘oire tangata
Tauturu‘ia to‘ou ‘ai taeake, kōpu tangata, e to‘ou ‘oire tangata, i te te‘ate‘amamao‘aga no te au manamanatā tupu po‘itirere.
Tei runga i teia kapi
‘Ārāvei atu, kia mātau koe i to‘ou au tangata tupu
Me mātau meitaki koe i to‘ou au tangata tupu, ka ‘ākono i reira kotou ia kotou ‘uā‘orāi, i te au tuātau tikāi, te tupu ra, e i muri ake, i teta‘i manamanatā tupu po‘itirere, mei te ‘uri‘ia, me kore ra, teta‘i ngāruerue‘anga ‘enua ma‘ata.
Tu‘atu‘a‘ia to kotou au ‘akakitekite‘anga no runga i te ‘ārāvei‘anga, kia rauka ia kotou i te ‘ārāvei atu, i teta‘i ki teta‘i, me tupu a‘ea ua ake teta‘i manamanatā tupu po‘itirere.
‘Akakite atu i ta‘au parāni no te manamanatā tupu po‘itirere, ma te ui atu no runga i ta ratou au parāni.
Kimi‘ia e ko‘ai te ka tauturu iākoe, e ko‘ai katoa ka anoano i ta‘au tauturu.
Tomo atu ki roto i teta‘i Neighbourhood Support Group
Tomo atu ki roto, me kore ra, ‘akatupu‘ia teta‘i Neighbourhood Support Group Ka rauka iākoe, e to‘ou au tangata tupu, i te tu‘atu‘a i to kotou au karape, e ta kotou au rāvenga tauturu, i te tauturu ia kotou ‘uā‘orāi, i roto i teta‘i manamanatā tupu po‘itirere.
E ‘akaputuputu ana te au Neighbourhood Support Groups, i te tangata ki te ngā‘i ‘okota‘i, i te ‘akatupu i te au ‘oire tangata kia ponuiā‘au, turuturu, e te ‘ātuitui‘ia.
Tomo atu ki roto i teta‘i Neighbourhood Support Group, i runga i te kupenga uira Neighbourhood Support, me kore ra, tāniuniu‘ia te numero 0800 463 444.
Tautā kia riro mai koe ei Community Patroller
Tomo atu ki roto i teta‘i Community Patrol. Tomo atu ki roto i te au Tautā kia riro mai koe ei community patrols, ma te tauturu i te ‘akaponuiā‘au‘anga i to‘ou `oire tangata.
E ‘anga‘anga ta‘okota‘i ana te community patrols ki roto i te ‘Akavā o Aotearoa, te au kōnitara ‘oire, e to ratou ‘oire tangata. Pērā katoa i roto i teta‘i manamanatā tupu po‘itirere.
Na te aronga ‘anga‘anga ngakau tae e ‘aka‘aere ana, ma te ‘akateretere i te au Community Patrols. E ‘anga‘anga ta‘okota‘i ana te Community Patrols, ki roto i te ‘Akavā o Aotearoa, te au kōnitara ‘oire, i te tāvini i to ratou ‘oire tangata.
Tomo atu ki roto i teta‘i Community Patrol, me kore ra, ‘akamata‘ia teta‘i ki roto i to‘ou ‘oire tangata.
Rave‘ia te au ‘ātuitui‘anga ki roto i to‘ou matakeinanga
E rave‘ia ana te Neighbours Aotearoa, (tei mātau‘ia e, ko te Neighbours Day Aotearoa) i roto i te au marama tātakita‘i o Māti.
E umuumu ana teia i te au tangata tupu, kia mātau i teta‘i ki teta‘i. Kare e manatā ana, me ko koe anake ua, me e pupu, me kore ra, e putuputu‘anga. Me kore ra, me tei roto i to‘ou matakeinanga te au ngutu‘are, flats, te au pītiniti, e teta‘i ‘ua atu. Ka rauka iākoe i te ‘akatupu i teta‘i putuputu‘anga tei tau, no to‘ou matakeinanga.
Rave‘ia te au ‘ātuitui‘anga ki roto i to‘ou matakeinanga.
E rāvenga umuumu, e te ‘akatupu, te Neighbours Aotearoa (tei mātau‘ia e, ko te Neighbours Day Aotearoa), i te au tangata tupu, kia mātau i teta‘i ki teta‘i, e te ‘akamātūtū‘anga i te au matakeinanga na roto i te basileia.
Ma‘ani‘ia teta‘i parāni no te tuātau manamanatā tupu po‘itirere, no te ‘oire tangata
Ka tauturu teta‘i parāni no te tuātau manamanatā tupu po‘itirere no te ‘oire tangata, i te ‘oire tangata kia mārama, i te rāvenga tauturu‘anga teta‘i i teta‘i, i roto i te manamanatā tupu po‘itirere. Na roto i te komakoma‘anga ki te tangata i roto i to‘ou ‘oire, teta‘i o te rāvenga pu‘apinga rava atu, i te te‘ate‘amamao‘anga no te au manamanatā tupu po‘itirere.
Te vai takere ra teta‘i au pupu tangata, me kore ra, au ‘ātuitui‘anga, tei roto i to‘ou ‘oire tangata. Te roto pa‘a i teia:
- Te Civil Defence Emergency Management
- Te Neighbourhood Support
- Te ‘anga‘anga ngākau-tae, te au ‘ākono‘anga pure, e te au putuputu‘anga tārekareka tipōti
- Te au ‘Āpi‘i
- Te Marae, me kore ra
- Te au Putuputu‘anga tauturu
‘Ārāvei atu ia ratou, no runga i ta ratou e rave ra. Ka rauka pa‘a ia ratou i te tauturu, i roto i te manamanatā tupu po‘itirere, na roto i te au ‘apinga anoano‘ia, e te ‘akatanotano‘anga i te au rāvenga turu.
‘Ārāvei atu i to‘ou Civil Defence Emergency Management Group, i te ui atu, me e parāni takere teta‘i no te manamanatā tupu po‘itirere no te ‘oire tangata, i roto i to‘ou ‘oire. Ka rauka ia ratou i te tauturu iākoe, i te ‘akapāpu‘anga i te au rāvenga mātūtū, te au rāvenga tauturu, te au mea ‘ēkōkō‘ia, e te au rāvenga i te tauturu i to‘ou ‘oire tangata, i roto i teta‘i manamanatā tupu po‘itirere.
Kimi‘ia te Civil Defence Emergency Management (CDEM) Group, no to‘ou ‘oire.
Tomo ki roto i te au kimikimi‘anga rāvenga
Tauturu i te ‘akaponuiā‘au‘anga i to‘ou kōpu tangata, e te ‘oire tangata, na roto i te tomo‘anga ki roto i te au te‘ate‘amamao‘anga no te manamanatā tupu po‘itirere.
