Ma‘ani‘ia teta‘i parāni

Ka tupu te manamatā po‘itirere ua, i teta‘i ua atu taime, e i teta‘i ua atu ngā‘i, e i te ma‘ata‘anga o te taime, kare e ‘akamatakite‘anga. E mea pu‘apinga te ma‘ani‘anga parāni no te au manamanatā tupu po‘itirere, kia kite koe i ta‘au ka rave, me tupu ake teta‘i manamanatā tupu po‘itirere.

Ma‘ani‘ia teta‘i parāni no te manamanatā tupu po‘itirere, no te ngutu‘are tangata

Ka ‘āpi‘i atu teta‘i parāni no te manamanatā tupu po‘itirere, i te katoatoa i roto i to‘ou ngutu‘are, kia kite i te mea tau kia rave‘ia, e kia ‘akate‘ate‘amamao, no teta‘i manamanatā tupu po‘itirere. Ka tauturu te ma‘ani‘anga i teta‘i parāni i te ‘akatopa mai te turanga taitaiā, i roto i te tuātau manamanatā tupu po‘itirere.

E tau kia tamanako ta‘au parāni i te tuātau manamanatā tupu po‘itirere:

• to‘ou au tua māro‘iro‘i, au anoano, e to‘ou turanga
• te au taka‘i‘anga tei rave takere koe, i te te‘ate‘amamao‘anga, e te au
• vā i roto i ta‘au parāni, te ka tamanamanata iākoe, i roto i teta‘i tuātau manamanatā tupu po‘itirere (e te au rāvenga i te ‘akapu‘apinga‘anga i te reira).

Ma‘ani ta‘okota‘i‘ia teta‘i parāni ki roto i to‘ou kōpu tangata, no te tuātau manamanatā tupu po‘itirere. Tāmanako‘ia te au ‘apinga ka anoano koe i roto i te au rā tātakita‘i, ma te kimikimi manako, no runga i ta‘au ka rave, me kare te reira e rauka.

‘Akapāpu meitaki, kia ‘ātui atu ta‘au parāni, ki teta‘i atu au parāni no te manamanatā tupu po‘itirere i ko te au ngā‘i no‘o putuputu ia e koe.

I mua ake ka ‘akamata ei koe

‘Akapāpu meitaki e, kua tāmanako koe i te au anoano pouroa o to‘ou ngutu‘are tangata, pērā katoa:

• Te pakipakitai
• Te au pēpē, e te tamariki rikiriki
• Te au ‘ānimara

Ma‘ani‘ia teta‘i parāni no te manamanatā tupu po‘itirere, no te ngā‘i ‘anga‘anga

I roto i teta‘i manamanatā tupu po‘itirere, ka piritia koe i te ‘anga‘anga, e kare e rāvenga no te ‘oki‘anga ki te kainga. Ma‘ani‘ia teta‘i parāni no te manamanatā tupu po‘itirere i te ngā‘i ‘anga‘anga no‘ou anake, kia kite koe i ta‘au ka ‘ārāvei atu i te ngā‘i ‘anga‘anga, e teta‘i parāni no te ‘oki‘anga ponuiā‘au ki te kainga.

Ma‘ani‘ia teta‘i parāni no te ‘āpi‘i, no te tuātau manamanatā tupu po‘itirere

Kimi‘ia te parāni no te manamanatā tupu po‘itirere o ta‘au turanga ‘āpi‘i punanga, me kore ra, o ta‘au ‘āpi‘i.

• Kimi‘ia to ratou ngā‘i ‘akaruru‘anga, kia kite koe i te ngā‘i no te tiki‘anga atu i ta‘au tamariki, me “‘akatika‘ia i te ‘akaruke”.
• Parāni i te tiki atu i ta‘au tamariki, na roto i te ‘ā‘aere‘anga na raro, me kore ra, na runga i te pātikara, me ka rauka. Ka piritia pa‘a te au ara ki te ‘āpi‘i, e ki te kainga. Ka kī pa‘a te au niuniu terepōni i te tuātau manamanatā tupu po‘itirere.
• ‘Akapāpu meitaki e, te pu‘apinga ra te au ‘akakitekite‘anga no runga i te ‘ārāvei‘anga i ta‘au turanga ‘āpi‘i punanga, me kore ra, ‘āpi‘i. ‘Ōronga‘ia atu teta‘i ‘akapapa‘anga, no teta‘i tokotoru te ka tiki atu i ta‘au tamariki, me kare e rauka iākoe i te tiki.

Ma‘ani‘ia teta‘i parāni no te manamanatā tupu po‘itirere, no te marae

Ma‘ani‘ia teta‘i parāni no te manamanatā tupu po‘itirere, no te marae, kia vai te‘ate‘amamao to‘ou marae no teta‘i ‘uri‘ia nātura, me kore ra, manamanatā tupu po‘itirere.