Te ‘Akamatakite‘anga Manamanatā Tupu Po‘itirere i runga i te Terepōni ‘Āpaipai (Emergency Mobile Alert)

Ka tuku anake ‘ia, te au ‘akamatakite‘anga, me te ‘irinaki‘ia ra e ka mate pa‘a teta‘i, ka kino te ora‘anga kōpapa, me kore ra, te kainga. E, i roto i teta‘i au turanga, te tāmatamata‘anga ‘ua. Teia te ‘ākara‘anga, ka ‘akamatakite atu te Emergency Mobile Alert iā koe i te au manamanatā pakari, mei:

• teta‘i tai-‘akakī, te ka tākinokino i te ‘enua
• teta‘i a‘i kā, te ka tāmanamanatā i te tangata
• te aronga e au ‘apinga tamaki ta ratou, e kare i mou ake i te ‘akavā, me kore ra,
• te vai inu kua kino takiri.

Kare te au Emergency Mobile Alerts, e tā‘anga‘anga‘ia no te au tuatua ‘akakite no te ‘oko‘oko‘anga, me kore ra, no te aruaru‘anga i te tangata kia ‘oko.

Ko te au turanga tei ‘akamana‘ia no te manamanatā tupu po‘itirere ua rāi, te ka rauka i te tuku atu i te au Emergency Mobile Alerts. Ka tuku ua rāi te au turanga i te au ‘akamatakite‘anga, me te tarotokakā‘ia ra e, ka mate teta‘i, ka kino te ora‘anga kōpapa, me kore ra, ka kino te kainga. Ka tuku katoa pa‘a te au turanga i te ‘akapapa‘anga no te au vāito‘anga, i te au ‘akamatakite‘anga.

Ko te au turanga anake tei ‘akamana‘ia, no te tuku‘anga i te au ‘akamatakite‘anga:

• Te ‘Akavā o Aotearoa (New Zealand Police)
• Te Whakarātonga Iwi (Fire and Emergency New Zealand)
• Te Marae Ora
• Te Manatū Ahu Matua (Ministry for Primary Industries)
• Te Rākau Whakamarumaru (National Emergency Management Agency)
• Te Civil Defence Emergency Management Groups o te ‘Oire.

Ka ‘akakite atu te karere ‘akamatakite‘anga i te turanga e tuku atu nei i te Emergency Mobile Alert.

I te mea e, no te ‘akaponuiā‘au‘anga iā koe, te Emergency Mobile Alert, kare i reira, e rauka iā koe i te ‘iki i te no‘o ki va‘o.

Kare matou e ‘akakoro ana i teta‘i au terepōni anake, māri ra, e ‘o‘ora ana matou ki teta‘i ngā‘i tei ‘akakoro‘ia, te ka kino. Ko teia te tumu, kare matou e ‘akaruke i ta‘au anake terepōni. Kare te Emergency Mobile Alert, e tā‘anga‘anga i to‘ou numero terepōni, me kore ra, e ko‘iko‘i i te ‘akakitekite‘anga no runga iā koe.

Ka ‘akaāri atu pa‘a ta‘au terepōni i teta‘i au settings kē atu, e tā‘anga‘anga‘ia ana i roto i teta‘i atu au basileia. Māri ra, i roto i Aotearoa, ka tā‘anga‘anga matou i teta‘i broadcast channel anake, te ka ‘anga‘anga i te au taime ravarāi.

Me kāre koe e ‘inangaro i te ‘āriki i teta‘i tāmatamata‘anga Emergency Mobile Alert, ka anoana‘ia koe kia tāmate i ta‘au terepōni, me kore ra, tuku‘ia ki runga i te flight mode.