Teta‘i atu au manamanatā

Ra‘ira‘i ua atu te au tu manamanatā tūkētūkē, i roto i Aotearoa. Kimi‘ia no runga i teta‘i atu au manamanatā, e te aronga ‘aka‘aere i te reira.

Ko‘ai mā te aronga ‘aka‘aere i te au manamanatā kē atu?

E ‘anga‘anga ta‘okota‘i ana te au tu turanga tauturu, i te ‘akateretere i te au manamanatā tupu po‘itirere, e te ‘ākono i te tangata kia vai ponuiā‘au. Tei runga i te tu o te manamanatā, me kore ra, te manamanatā tupu po‘itirere, te turanga te ka ‘akateretere i te ‘oro‘oro‘anga.

Ka anoano‘ia teta‘i atu ‘akateretere‘anga na roto i te au turanga tauturu tūkētūkē, no te teta‘i au manamanatā tupu po‘itirere. Me tupu teia, ‘akakite‘ia teta‘i manamanatā tupu po‘itirere no te ‘oire, me kore ra, no te basileia.

Te maki toto‘a‘ia na roto i teia nei ao

E tupu ana te maki toto‘a‘ia na roto i teia nei ao, me toto‘a viviki ia teta‘i manumanu, na roto i teta‘i basileia, me kore ra, i te ma‘ata‘anga o te au basileia o teianei ao. Me tupu teia, ka maki kino te ma‘ata‘anga ia tatou.

Ko te Marae Ora te turanga arataki i te parāni‘anga, e te rave‘anga i te au rāvenga no te maki toto‘a‘ia na roto i teia nei ao, i roto i Aotearoa.

Te a‘i

Me kite koe i te aua‘i, me kore ra, i te a‘i, e te ‘irinaki ra koe e, e turanga ‘ēkōkō no te ora‘anga tangata, me kore ra, no te kainga, tāniuniu‘ia te numero 111, ma te pati viviki atu no te ‘Fire’.

Ka rauka te ‘anga‘anga a te tangata i te ‘akamata i te a‘i. Teia te au ‘ākara‘anga, te māringakore o te a‘i, i te tuātau pātia‘anga pū‘ākapa, te tungitungi‘anga paura, te ta‘u tītā, te ta‘u a‘i, me kore ra, te ta‘u‘anga ma‘ata i va‘o ake i te ‘oire, tei pa‘aruā. Ko te au mōtoka tei ū i te tuātau manamanatā tupu po‘itirere, te au niuniu uira tautau, me kore ra, te au niuniu uira motumotu, katoa teta‘i au mea ‘akatupu putuputu i te a‘i. Pērā katoa te au korapa‘anga mei ko i te pākoti-tītā, me kore ra, i te au tumu ‘ava‘ava.

Na te Whakaratonga Iwi te ‘anga‘anga pāruru i te a‘i, te au rāvenga, e te tāmate‘anga.

Te tuātau marō

Me kua tukia to‘ou ngā‘i e teta‘i tuātau marō, ‘ārāvei atu i to‘ou kōnitara ‘oire, no teta‘i atu ‘akakitekite‘anga.

Ka tupu te tuātau marō, me kare e rava ana te vai i roto i teta‘i ngā‘i, e ka manamanata te ta‘anga‘anga‘anga i te vai, e ka kake te ‘irinaki‘anga e, ka kā te a‘i.

Na te Manatū Ahu Matua e ‘aka‘aere ana i te tu o te au tuātau marō.

Te au rāvenga ‘apa, e te vinivini

Taniunui ua atu rāi i te numero 111 me te ‘irinaki‘ia ra e, ka mate teta‘i, me kore ra, ka kino te kainga.

E basileia ponuiā‘au a Aotearoa, māri ra, ka tukia rāi tatou ki te au rāvenga ‘apa, e te vinivini. E mea pu‘apinga kia matakite koe, i te ‘ākono iākoe ‘uā‘orāi.

E tauturu ana te ‘Akavā o Aotearoa, i roto i te au tū manamanatā tupu po‘itirere, e te au turanga pāruru i te basileia. Tei a ratou te rima o te ture, e te pāruru‘anga i te au rāvenga ‘apa. Na ratou katoa e ‘ākono ana, kia vai ponuiā‘au te ‘iti tangata.

Tāniuniu‘ia te numero 105, no te ripōti atu i te au manatā tei tupu takere, e kare e anoano viviki i te tauturu a te ‘Akavā.

Te au manumanu-kino, e te au maki, o te ‘ānimara, e te au mea tanu

Na te Manatū Ahu Matua, e arataki ana i te turanga biosecurity o Aotearoa. Tei roto i teia, te au rāvenga, me toto‘a‘ia te au manumanu-kino, e te maki o te ‘ānimara, e te au mea tanu.

Na te Manatū Ahu Matua katoa, e arataki ana i te turanga ponuiā‘au o te kai i roto i Aotearoa. E pāruru ana ‘aia i te ora‘anga meitaki o te ‘iti tangata i konei, e i te ‘enua-i-tai.

Te au ‘apinga kino/poitini

Ko teta‘i ua atu ‘apinga, me kore ra, vairākau tei roto te au mea te ka ‘aruru, ka kā, ka akapakari atu te kā, takino'anga, me kore ra, ka poitini i te ao, te ‘āite‘anga o te au ‘apinga kino/poitini.

Ko te Whakaratonga Iwi, te turanga arataki i te au manamanatā tupu po‘itirere no te au ‘apinga kino/poitini.