Me e taringa-turi koe, me kore ra, kare e rongo meitaki ana
Me e taringa-turi koe, me kore ra, kare e rongo meitaki ana, parāni no runga i ta te manamanatā tupu po‘itirere ka ‘akatupu no‘ou. Kimi‘ia te arataki‘anga, e te au vitiō no runga i te New Zealand Sign Language.
‘Akapāpu meitaki e, e au rāvenga ta‘au no te kimi‘anga i te au ‘akamatakite‘anga, ‘akakitekite‘anga, e te arataki‘anga, i roto i teta‘i manamanatā tupu po‘itirere
- Ka ‘o‘ora atu te rātiō e te tīvī, i te ‘akakitekite‘anga, e te arataki‘anga, a te civil defence. ‘Āpi‘ipi‘i‘ia to‘ou ‘uā‘orāi turanga ‘ātuitui‘anga turu, kia ‘akakite atu kiā koe, i teta‘i ua atu au ‘akamatakite‘anga, e te ‘akakitekite ua atu rāi kiā koe. ‘Ārāvei atu, i to‘ou Civil Defence Emergency Management Group, me kore ra, i to‘ou kōnitara ‘oire, no runga i te au turanga ‘akamatakite‘anga.
- ‘Ōronga‘ia atu teta‘i tāviri ki to‘ou ngutu‘are, ki teta‘i tangata tupu, me kore ra, ki teta‘i tei roto i to‘ou turanga ‘ātuitui‘anga turu.
- Tāmoumou‘ia teta‘i turanga ‘akamatakite‘anga tei tau ki to‘ou anoano. Teia te ‘ākara‘anga, teta‘i ove ‘akamatakite‘anga, te ka purapura atu, kia kite koe. Mono‘ia te au pātiri na roto i te au12 marama tātakita‘i.
- Tāru‘ia teta‘i puka tātā‘anga, au pēnitara, e teta‘i mōripata ki roto i ta‘au kete rave viviki, kia rauka iākoe i te komakoma ki teta‘i atu.
Kimi‘ia te Civil Defence Emergency Management (CDEM) Group, no to‘ou ‘oire.
Tei ko i te Deaf Aotearoa, te au turanga tauturu, no te aronga Taringa-turi, me kore ra, te aronga kare e rongo meitaki ana.
Te au vitiō a te New Zealand Sign Language
Kimi‘ia te arataki‘anga, e te au vitiō no runga i te New Zealand Sign Language.
Arataki‘anga no te pakipakitai
Me e pakipakitai koe, me kore ra, te tarotokakā‘ia ra e, ka ō koe ki roto i teta‘i manamanatā i roto i te tuātau manamanatā tupu po‘itirere, kimi‘ia te arataki‘anga no te te‘ate‘amamao‘anga.
