Te au rāvenga tauturu

Ka tāmanamanatā‘ia te ora‘anga tangata, e ka anoano‘ia pa‘a kia ‘akaruke i to ratou au kainga, i roto i te manamanatā tupu po‘itirere. Ka ngatā tikāi teia no te au metua vaine, e te aronga ‘ākono pēpē.

E arataki‘anga ta Te Whatu Ora, no runga i te ‘āngai‘anga i ta‘au pēpē i roto i te tuātau manamanatā tupu po‘itirere, ki te ū o te māmā, e te ū mo‘ina.

Ma‘ani‘ia teta‘i parāni no te manamanatā tupu po‘itirere, no te marae, kia vai te‘ate‘amamao to‘ou marae no teta‘i ‘uri‘ia nātura, me kore ra, manamanatā tupu po‘itirere.

‘Akakite mai i to‘ou manako no runga i te Emergency Mobile Alert. Ka tā‘anga‘anga matou i te ‘akakitekite‘anga tei ko‘iko‘i‘ia mei roto mai i teia kimikimi‘anga kite, i te ‘akapu‘apinga‘anga ua atu rāi i te turanga ‘akamatakite‘anga.

Ma‘ani ta‘okota‘i‘ia teta‘i parāni ki runga i te ‘ātuitui roro uira, ki roto i to‘ou kōpu tangata, no te tuātau manamanatā tupu po‘itirere. Tāmanako‘ia te au ‘apinga ka anoano koe i roto i te au rā tātakita‘i, ma te kimikimi manako, no runga i ta‘au ka rave, me kare te reira e rauka.

Tomo atu ki roto i teta‘i Neighbourhood Support Group, i runga i te kupenga uira Neighbourhood Support, me kore ra, tāniuniu‘ia te numero 0800 463 444.

Kimi‘ia te ‘iku‘iku‘anga no runga i te ‘aka‘ōu‘anga i ta‘au terepōni Samsung, tei runga i te kupenga uira a te Samsung NZ.

Rave‘ia teta‘i Neighbour’s Day. E rave‘ia ana te Neighbours’ Day, i roto i te au marama tātakita‘i o Māti. E umuumu ana teia i te au tangata tupu kia mātau i teta‘i ki teta‘i. Kare e manatā ana, me ko koe anake ua, e pupu, me kore ra, e putuputu‘anga. Me kore ra, me tei roto i to‘ou matakeinanga te au ngutu‘are, flats, te au pītiniti, e teta‘i ua atu. Ka rauka iā koe i te ‘akatupu i teta‘i putuputu‘anga tei tau anake, no to‘ou matakeinanga.

Āru‘ia te ‘akapapa‘anga ‘anga‘anga a te Shut Happens, i roto i te reo Papaā, i te ‘anga i te au parāni pange no ta‘au pītiniti.

E arataki‘anga ta te Manatū Ahu Matua (MPI) no runga i te te‘ate‘amamao‘anga i teta‘i parāni, no ta‘au au ‘ānimara Tei roto i te reira te au ‘akapapa‘anga no te au rāvenga kia rave‘ia, no te au tū ‘ānimara, e te au manamanatā tupu po‘itirere tūkētūkē. ‘Anga‘anga na roto i te au ‘akapapa‘anga no te au rāvenga kia rave‘ia, i te ‘akatupu‘anga i ta‘au parāni.

Kiriti‘ia te pēpa ‘akakitekite‘anga a te East Coast LAB's tsunami hīkoi. ‘Aka‘aere‘ia teta‘i tsunami walk.

Kiriti‘ia te tūtū ma‘atama‘ata no te ‘akakitekite‘anga a te East Coast LAB's tsunami hīkoi. ‘Akaāri mai e, te tomo ra koe ki roto, ma te tauturu i te toto‘a‘anga i te ‘akakitekite‘anga.

Tā‘anga‘anga‘ia te arataki‘anga mei roto i te business.govt.nz. no runga i te au mea tau kia tāru‘ia ki roto i ta‘au parāni‘anga no te manamanatā tupu po‘itirere.

E arataki‘anga ta te Māraurau o te Pae ‘Āpi‘i, no te au ‘āpi‘i, e te au turanga ‘āpi‘i punanga, no runga i te te‘ate‘amamao‘anga, e te ‘oro‘oro‘anga i roto i te manamanatā tupu po‘itirere.

E au māpu ta to‘ou Civil Defence Emergency Management Group, no runga i te ngā‘i te ‘irinaki‘ia ra e ka tukia e te tai-‘akakī, e te arataki‘anga. ‘Akapāpu meitaki, kia kite koe i te ngā‘i ka ‘aere, mei tei te kainga koe, tei te ‘anga‘anga, me kore ra, te ori aere ra.

Kimi‘ia te arataki‘anga i roto i te reo Papa‘ā, no runga i te ‘ākono‘anga i te aronga ‘anga‘anga, i muri ake i teta‘i manamanatā tupu po‘itirere.

‘Ākara‘ia te kupenga uira a te Natural Hazards Commission Toka Tū Ake, no teta‘i atu ‘akakitekite‘anga, no runga i te ‘akaponuiā‘au‘anga i to‘ou ngutu‘are.