Te au rāvenga tauturu

Tāmou kia kite koe i te New Zealand Response Teams, e to ratou au ngā‘i na roto i Aotearoa.

E putuputu‘anga basileia, kāre e tutaki‘ia ana, te Land Search and Rescue (LandSAR). E ‘ōronga ana ‘aia i te kimi, e te tauturu i te ‘akaora i tei ngaro, tei kore i kitea‘ia e tei‘ea, e te aronga tei tukia‘ia e te mamae na roto i Aotearoa.

E ‘ōronga ana te Coastguard New Zealand i te kimi, e te tauturu i te ‘akaora i te tangata i te moana. E rave ana ratou i te au porokarāmu ‘āpi‘i, e te au rāvenga ‘ōu no runga i te turanga ponuiā‘au i te moana.

E pupu tangata, te ‘ōronga ngakau tae nei i to ratou tuātau, i te tā‘anga‘anga i te specialist communication, e te technical skills, i te turu i te kimi, e te ‘akaora i roto i Aotearoa, te Amateur Radio Emergency Communications (AREC).

E ‘ōronga ana te Surf Life Saving New Zealand, i te lifeguard, e te emergency rescue services. E ‘ōronga katoa ana ratou i te au porokarāmu no runga i te turanga ponuiā‘au o te ‘iti tangata i ta‘atai.

‘Ōronga ngakau tae ia to‘ou tuātau ki te Fire and Emergency New Zealand. Na te Whakaratonga Iwi (Fire and Emergency New Zealand) te ‘anga‘anga pāruru i te a‘i, te au rāvenga, e te tāmate‘anga.

Kimi‘ia te au tāmanako‘anga tauturu i muri ake i teta‘i manamanatā ma‘ata i roto i te basileia, i te turu i to‘ou ora‘anga manako.

Kua ‘akatupu‘ia te All Sorts, e te Mental Health Foundation i te tauturu i te ‘aka‘oki‘anga mai i te tangata ki tei mātau‘ia, e te ‘akateretere‘anga i to ratou ‘uā‘orāi ora‘anga, tei tāmanamanatā‘ia e te maki toto‘a e te au manamanatā tupu po‘itirere.

Kimi‘ia te au farmer-to-farmer tips, tei turu‘ia e te wellbeing science.

Kua ‘akapapa‘ia te Farmstrong no te aronga pāma, tanutanu, e to ratou au kōpu tangata, i roto i te tuātau manamanatā i runga i te pāma, na roto i te tu‘atu‘a‘anga i te au rāvenga ‘ākono ‘ia ratou ‘uā‘orāi, e te aronga i roto i ta ratou pītiniti.

E mea pu‘apinga i te kite, i te au rāvenga tūkētūkē, i te kite, i te au ‘akakitekite‘anga, i roto i teta‘i manamanatā tupu po‘itirere.

Ko te Taumata Arowai te water services regulator no Aotearoa. Tei runga te turanga vai-inu no te tuātau manamanatā tupu po‘itirere, e te ora‘anga ponuia‘au, i te kupenga uira a te Taumata Arowai.

Ka taeria te vāito teitei o te ultraviolet (UV) radiation, i roto i Aotearoa. Ka rauka i te UV radiation, i te tākinokino i te pākiri, e te mata.

Ka rauka iā koe i te pāruru iā koe ‘uā‘orāi, e ta‘au tamariki, na roto i te rāvenga SunSmart. Tei runga i te kupenga uira SunSmart, te ‘āpi‘i‘anga no te turanga ponuiā‘au, iā koe e tautā nei i te ora‘anga, i roto i te rā.

Ka ‘akatupu te vera-pakari i te kino, e ka mate teta‘i.

E ‘akakitekite‘anga ta te St John, no runga i te kite‘anga, e te rapakau‘anga i te au manatā maki, no runga i te vera.

Ka rauka i te vera-pakari i te ‘akatupu i te maki, e te mate. Inārā, ka ‘akatopa mai te parāni‘anga pu‘apinga, e te rāvenga pu‘apinga, i te manatā ki runga i te ora‘anga meitaki.

Kimi‘ia te ‘akakitekite‘anga no runga i te manatā o te vera-pakari ki runga i te ora‘anga, e te rāvenga rapakau‘anga, ki runga i te kupenga uira a te Health New Zealand.

Ka kino te ‘anga‘anga‘anga i roto i te vera-pakari.

Kimi‘ia teta‘i atu ‘akakitekite‘anga no runga i te ‘anga‘anga‘anga ponuiā‘au, i roto i te au vāito‘anga vera rava atu, ki runga i te kupenga uira a te WorkSafe.

Ka tāporoporo te first aid i te ora‘anga. ‘Āpi‘i‘ia koe, kia kite i te ‘akamatakite‘anga, e te rāvenga tau kia rave koe, me anoano‘ia koe kia rave i te first aid, tei runga i te kupenga uira a te St John.