‘Akate‘ate‘amamo‘ia
Me tupu ua ake teta‘i manamanatā po‘itirere, ka ‘oro‘oro te civil defence, e te au turanga tauturu i te manamanatā tupu po‘itirere ua, i te tauturu i te aronga e anoano ma‘ata ra i ta ratou tauturu.
Te au tu manamanatā
Ra‘ira‘i ua atu te au manamanatā nātura, i roto i Aotearoa. Kimi‘ia te au rāvenga tau, i mua ake, i te tuātau e tupu ra, e i muri ake, i teta‘i ua atu tu manamanatā tupu po‘itirere.
Ma‘ani‘ia teta‘i parāni
Ka tupu te manamatā po‘itirere ua, i teta‘i ua atu taime, e i teta‘i ua atu ngā‘i, e i te ma‘ata‘anga o te taime, kare e ‘akamatakite‘anga. E mea pu‘apinga te ma‘ani‘anga parāni no te au manamanatā tupu po‘itirere, kia kite koe i ta‘au ka rave, me tupu po‘itirere ake teta‘i manamanatā.
Ma‘ani‘ia teta‘i parāni no to‘ou kainga, ta‘au ngā‘i ‘anga‘anga, ‘āpi‘i, to‘ou ‘are ‘uipa‘anga, me kore ra, ‘oire tangata.
‘Akatopa, Tāpoki, ma te Mou
Ko te ‘Akatopa, Tāpoki, ma te Mou, te rāvenga tau i te rave, i roto i teta‘i ngāruerue ‘enua. Ka pāruru teia iākoe kia kore e kurua ki raro, ka ‘akameangiti mai iākoe no te tuki‘ia‘anga, ma te pāruru i to‘ou upoko, kakī, e to‘ou au mero.
‘Āpi‘i‘ia koe i te ‘Akatopa, Tāpoki, ma te Mou
Te Emergency Mobile Alert
E au karere no runga i te au manamanatā tupu po‘itirere tei tukuna‘ia e te au turanga tei ‘akamana‘ia no te au manamanatā tupu po‘itirere, ki runga i te au terepōni ‘āpaipai tau, te Emergency Mobile Alerts. Kua ‘akapapa‘ia teia au rāvenga, i te ‘ākono i te tangata kia vai pōnuiā‘au, e ka ‘o‘ora‘ia ki te katoatoa e terepōni ‘āpaipai tau ta ratou.
‘Āpi‘i‘ia koe no runga i te Emergency Mobile Alert
Arataki‘anga no te pakipaki tai
Me e pakipaki tai koe, me kore ra, te tarotokakā‘ia ra e ka ō koe ki roto i teta‘i manamanatā i roto i te tuātau manamanatā tupu po‘itirere, kimi‘ia te arataki‘anga no te, te‘ate‘amamao‘anga. ‘Ākara‘ia te au taka‘i‘anga tau no te kimi ‘akakitekite‘anga i roto i te Reo ‘Akatūtū o Aotearoa, e te ‘akapapa‘anga ‘akarongo.
Kimi‘ia te arataki‘anga no te pakipaki tai