Te reva māreva (space weather)

E tupu ana te reva māreva (space weather) mei roto i te au mea e tupu ra ki runga i te kiri o te Ra. Kāre te au ‘uri‘ia ra (solar storms) e tupu putuputu ana. Kāre rātou e tāmamae i te tangata, me kore ra, i te au ‘ānimara. Ināra, ka ‘akakino i ta tātou au ātuitui‘anga uira (electricity networks).

Ka ‘akatupu te reva māreva (space weather) i te uira kia motu, e ka taeria ki te ono ra, te motu‘anga. Kimi‘ia te mea tau i te rave, i mua ake, i te taime e tupu ra, e i muri ake i te reva māreva (space weather).

‘Akatopa i te manatā o te reva māreva (space weather)

Ka rauka i te reva māreva (space weather), i te ‘akakino i ta tātou au ‘ātuitui‘anga uira (electricity networks), e te katoa‘anga, me kore ra, teta‘i tu‘anga o te grid, te ka rauka kia tāmate‘ia, i te pāruru iāia ‘uā‘orāi. E system operator te Transpower, e nāna e ‘ākono ana i te electricity grid o Aotearoa, no Aotearoa.

Ka tāmanamanatā te motu‘anga uira, i to tātou ora‘anga. Ka tāmate anake ‘ia te electricity grid, i te pāruru i ta tātou au ‘ātuitui‘anga uira (electricity networks) kia kore e roa te kino‘anga (long-term damage).

Ka tāmanamanatā katoa te motu‘anga uira, i te au turanga o te au ra katoatoa (everyday services) mei te:

• EFTPOS,
• vai, e te repo tangata (sewerage),
• pāmu penitīni (petrol), e te ‘inu (diesel), i ko te au ngā‘i pikao‘anga penitīni (service stations), e
• te tari‘ia‘anga te kai, e teta‘i atu au mea, ki ko i te au to ‘oko kai (supermarkets).

Ka rauka ‘ia tātou i te ‘akatopa mai i te manatā, o te reva māreva (space weather). Tāmanako i te au ngā‘i i roto i to‘ou kainga, te ‘irinaki ra ki runga i te uira.

• E ngā‘i āinei teta‘i, te ka ‘akatopa mai i to‘ou turanga ponuiā‘au, me motu te uira?
• Te ‘irinaki āinei koe ki runga i te uira, no te tomo‘anga ki roto, me kore ra, no te pāruru‘anga (security)?
• Parāni‘ia teta‘i au ‘irinaki‘anga ke, i te ‘ākono iā koe, e to‘ou kōpu tangata, kia ponuiā‘au, me motu te uira.

Te‘ate‘amamao i mua ake i te reva māreva (space weather)

Kāre te reva māreva (space weather), e tāmamae iā koe, me kore ra, i ta‘au au ‘ānimara. Ināra, kāre pa‘a ō‘ou uira, no teta‘i au ra e mānganui.

Ma‘ani‘ia teta‘i parāni no te au mea tupu po‘itirere, no te ngutu‘are tangata. Tāmanako no runga i te au mea te ka tupu pa‘a, me kāre ō‘ou uira.

Kimi‘ia te au tāmanakonako‘anga, no runga i te ‘akateretere‘anga i te manatā, me kāre e uira.

Ma‘ani‘ia teta‘i ‘akapapa‘anga o te au appliances, e tau kia ‘u‘uti‘ia (unplug), me motu te uira. Ka tauturu te ‘u‘uti‘anga (unplugging) i te au appliances, i te tāpu i te tātao‘i‘anga uira (electrical surges) me ‘anga‘anga ‘aka‘ōu te uira.

Me te ‘irinaki ra koe ki runga i te uira, no to‘ou turanga maki, ‘akapāpu meitaki e, e parāni turu (back up plan) ta‘au. Komakoma atu ki to‘ou ‘ona uira (electricity retailer), no runga i te rāvenga ponuiā‘au, me kāre e uira.

Ka ‘akape‘ea i te tuātau reva māreva (space weather)

Matakite kia kite koe i te au rāvenga no roto i te tuātau manamanatā tupu po‘itirere. ‘Akarongo ki te au turanga tauturu i roto i te tuātau manamanatā tupu po‘itirere, e te au ‘aka‘aere o te Civil Defence, i roto i te matakeinanga.

Ka ‘anga‘anga ‘ua atu rāi te au rātio te ‘irinaki ra ki runga i te pātiri- me kore ra, i te ra (solar), me kore ra, te rātio i roto i to‘ou mōtoka, i te tuātau reva māreva (space weather). Kare pa‘a te au niuniu terepōni, e ‘anga‘anga meitaki, me ‘akamata te reva māreva (space weather). Ināra, i te tika‘anga, ka ‘anga‘anga meitaki, i muri ake i teta‘i tuātau. Tāpapa‘ia teta‘i ‘akapapa‘anga, o te au numero terepōni pu‘apinga.

Te kimikimi kite nei rāi mātou no runga i te reva māreva (space weather). Kāre mātou e ‘irinaki ana e, ka tāmanamanatā‘ia te au turanga uira ra (solar power systems), e te au mātini ‘akataka uira (generators), kāre i ‘ātui‘ia ki te national electricity grid. Ka rauka iā koe i te tā‘anga‘anga i teia, i te tā‘anga‘anga i ta‘au terepōni, au appliances, me kore ra, terepōni ‘āpaipai. Ka rauka katoa iā koe i te tā‘anga‘anga i to‘ou mōtoka, i te tiāti i te au mea anoano‘ia, mei te au terepōni ‘āpaipai.

‘Auraka e tā‘anga‘anga i te gas appliances o va‘o, mei te au patio heaters, camping cookers, me kore ra, i te barbecue ki roto.

Kainga te kai mei roto i ta‘au pi‘a ‘akaanuanu kai na mua, i muri mai, mei roto i ta‘au pi‘a ‘akatoka kai. I reira ka kai ei i te kai mei roto i te kaparāta, me kore ra, i ta‘au kete ‘apinga no te tuātau manamanatā tupu po‘itirere.

Ka ‘akape‘ea i muri ake i te reva māreva (space weather)

Āru‘ia te arataki‘anga a to‘ou Civil Defence Emergency Management Group, e te emergency services, o te ‘oire.

Ka rave‘ia te au rolling power cuts, no teta‘i tuātau. Tāmate‘ia te au appliances, me kāre koe e tā‘anga‘anga ana i te reira. ‘Ākono‘ia te au niuniu uira, sockets, e te au mea ravarāi, ei mea “ora” (“on”).

‘Akara meitaki i te kai i roto i ta‘au pi‘a ‘akaanuanu kai, me kore ra, pi‘a ‘akatoka kai, i mua ake, ka kai ei. Me te ‘aunga taukore ra, me kore, te ‘akara tūkē ra, pe‘ia ki va‘o. ‘Auraka e ‘akatoka i te kai tei ‘akata‘e takere ‘ia.