Te au rāvenga tauturu

Kimi‘ia te arataki‘anga, no runga i te tāporoporo‘anga i te vai tāngika, kia kore e tākinokino‘ia, pērā katoa, te tā‘anga‘anga‘anga i te au tā‘au vai, ki runga i te kupenga uira, a te HealthEd.

Tāmou i te pāruru‘anga i to‘ou kainga mei te au a‘i kā i va‘o, tei runga i te kupenga uira a te Fire and Emergency.

Tei runga i te turanga kā o te ngāngā‘ēre, te pakari o te a‘i. E turanga ma‘ata teia, no runga i te ‘aka‘aere‘anga i te a‘i, e te tākinokino‘ia‘anga, me kore ra, te ‘akakore‘ia‘anga te au kainga e te a‘i. Kimi‘ia te au rākau kāre e kā vave, me kore ra, te au rākau kā viviki, ki runga i te kupenga uira a te Fire and Emergency New Zealand.

Kare tatou e kite e ‘ā‘ea te au ‘akatane‘a‘anga e tupu ei, māri ra, ka rauka ia tatou i te te‘ate‘amamao no te reira. Ko to‘ou kainga teta‘i ngā‘i pu‘apinga rava atu, no te ‘akamata i teia. Kimikimi‘ia te au rāvenga no te ‘akaponuiā‘au‘anga i to‘ou kainga, e te tumu kia putuputu koe i te ‘ākara‘anga meitaki, i ta‘au insurance.

Tei iākoe te ora‘anga o ta‘au au ‘ānimara. Ka anoano‘ia koe kia tāru atu ia ratou ki roto i ta‘au parāni‘anga, e te te‘ate‘amamao‘anga, no te manamanatā tupu po‘itirere.

Ma‘ani‘ia teta‘i parāni no te tuātau manamanatā tupu po‘itirere, no te ‘oire tangata. Ka tauturu teta‘i parāni no te tuātau manamanatā tupu po‘itirere no te ‘oire tangata, i te ‘oire tangata kia mārama, i te rāvenga tauturu‘anga teta‘i i teta‘i, i roto i te manamanatā tupu po‘itirere.

E ma‘ata te au tāmanako‘anga, ta te Web Content Accessibility Guidelines (WCAG) 2.1, e ma‘ani ana, no runga i te au kupenga ka rauka iā koe i te tomo atu ki roto. Kimi‘ia teta‘i atu no runga i te au tāmanako‘anga, ki runga i te kupenga uira W3C.

Kimi‘ia te arataki‘anga, e te au vitiō no runga i te New Zealand Sign Language.

Na te aronga ‘anga‘anga ngakau tae e ‘aka‘aere ana, ma te ‘akateretere i te au Community Patrols. E ‘anga‘anga ta‘okota‘i ana te Community Patrols, ki roto i te ‘Akavā o Aotearoa, te au kōnitara ‘oire, i te tāvini i to ratou ‘oire tangata.

Tomo atu ki roto i teta‘i Community Patrol, me kore ra, ‘akamata‘ia teta‘i ki roto i to‘ou ‘oire tangata.

Tāmou kia kite koe i te New Zealand Response Teams, e to ratou au ngā‘i na roto i Aotearoa.

E putuputu‘anga basileia, kāre e tutaki‘ia ana, te Land Search and Rescue (LandSAR). E ‘ōronga ana ‘aia i te kimi, e te tauturu i te ‘akaora i tei ngaro, tei kore i kitea‘ia e tei‘ea, e te aronga tei tukia‘ia e te mamae na roto i Aotearoa.

E ‘ōronga ana te Coastguard New Zealand i te kimi, e te tauturu i te ‘akaora i te tangata i te moana. E rave ana ratou i te au porokarāmu ‘āpi‘i, e te au rāvenga ‘ōu no runga i te turanga ponuiā‘au i te moana.

E pupu tangata, te ‘ōronga ngakau tae nei i to ratou tuātau, i te tā‘anga‘anga i te specialist communication, e te technical skills, i te turu i te kimi, e te ‘akaora i roto i Aotearoa, te Amateur Radio Emergency Communications (AREC).

E ‘ōronga ana te Surf Life Saving New Zealand, i te lifeguard, e te emergency rescue services. E ‘ōronga katoa ana ratou i te au porokarāmu no runga i te turanga ponuiā‘au o te ‘iti tangata i ta‘atai.

‘Ōronga ngakau tae ia to‘ou tuātau ki te Fire and Emergency New Zealand. Na te Whakaratonga Iwi (Fire and Emergency New Zealand) te ‘anga‘anga pāruru i te a‘i, te au rāvenga, e te tāmate‘anga.

Kimi‘ia te au tāmanako‘anga tauturu i muri ake i teta‘i manamanatā ma‘ata i roto i te basileia, i te turu i to‘ou ora‘anga manako.

Kua ‘akatupu‘ia te All Sorts, e te Mental Health Foundation i te tauturu i te ‘aka‘oki‘anga mai i te tangata ki tei mātau‘ia, e te ‘akateretere‘anga i to ratou ‘uā‘orāi ora‘anga, tei tāmanamanatā‘ia e te maki toto‘a e te au manamanatā tupu po‘itirere.

Kimi‘ia te au farmer-to-farmer tips, tei turu‘ia e te wellbeing science.

Kua ‘akapapa‘ia te Farmstrong no te aronga pāma, tanutanu, e to ratou au kōpu tangata, i roto i te tuātau manamanatā i runga i te pāma, na roto i te tu‘atu‘a‘anga i te au rāvenga ‘ākono ‘ia ratou ‘uā‘orāi, e te aronga i roto i ta ratou pītiniti.

E mea pu‘apinga i te kite, i te au rāvenga tūkētūkē, i te kite, i te au ‘akakitekite‘anga, i roto i teta‘i manamanatā tupu po‘itirere.